Kanadada uchuvchi samolyotni serqatnov avtomobil yo‘liga qo‘ndirishga majbur bo‘ldi (video)

Yengil samolyotni boshqarib ketayotgan uchuvchi Kanadaning Kalgari shossesiga favqulodda qo‘nishni amalga oshirdi. Bu haqda CBC telekanali xabar berdi.

Noxush hodisa 25-aprel kuni sodir bo‘lgan. Uchuvchi yoqilg‘ini uzatishda muammo yuzaga kelganini va zudlik bilan qo‘nishga majbur ekanligini ma’lum qilgan.

Bu vaqt samolyot bortida olti kishi bo‘lgan, ularning hech biriga jarohat yetmagan. Faqatgina samolyotning ayrim joylari shikastlangan.

Samolyot shosse chetiga chiqarilguniga qadar avtomobillar harakati bir necha soat to‘xtab qolgan.