Toshkentda retro avtomobillar va mototsikllar ko‘rgazmasi bo‘lib o‘tadi

6-may kuni Toshkentda “Retro Uz” avtohavaskorlar klubining retro-avtomobillar ko‘rgazmasi bo‘lib o‘tadi. Bu haqda Facebook’da xabar berildi. Ko‘rgazma “Anhor Lokomotiv” istirohat bog‘ida Tojikiston va qozog‘istonlik mehmonlar ishtirokida o‘tkaziladi.

Tashrif buyuruvchilar kamida 60 yillik tarixga ega avtomobil va mototsikllarni tomosha qilishi mumkin bo‘ladi. Ular orasidan ta’mirlangan va mukammal holatga keltirilgan “Chayka”, Ikkinchi jahon urushi davrlarida mashhur bo‘lgan “Polutorka” yuk mashinasi, 1937-yilgi Mercedes va boshqa kamyob ekzemplyarlar o‘rin olgan.