“Deportivo”ga 3 ta gol urgan Messi yana rekord qo‘ydi

Kecha, 29-aprel sanasida “Barselona” safarda “Deportivo”ga qarshi maydonga tushdi. Uchrashuvda Lionel Messi “Deportivo” darvozasiga 3 ta to‘p kiritib, xet-trik qayd etdi.

Shu tariqa Messi La Liganing 7 ta mavsumida 30 tadan ko‘p gol urgan ilk o‘yinchiga aylandi. Mazkur xet-trik tufayli “Barselona” muddatidan avval Ispaniya chempionligini rasmiylashtirdi.

Leo 2009/10 (34), 2010/11 (31), 2011/12 (50), 2012/13 (46), 2014/15 (43), 2016/17 (37) va joriy mavsumda 32 ta gol urdi.