Parij politsiyasi tartibsizliklarga javoban ko‘zdan yosh oqizuvchi gaz qo‘lladi

Fransiyaning Parij shahrida yuz bergan tartibsizliklarga qarshi politsiya ko‘zdan yosh oqizuvchi gaz va suv zambaraklarini qo‘lladi. Bu haqda “RIA Novosti” xabar berdi.

1-may kuni namoyishlar Parijdagi Bastiliya maydonida boshlangan. Politsiya tomonidan berilgan ma’lumotlarga ko‘ra, 1200 nafar yosh yigit va qiz qora kiyim va niqoblarda namoyishda ishtirok etgan. Harakat davomida ular restoran va kafelarning oynalarini sindira boshlagan, mashinani yoqib yuborgan.

Dastlab vaziyatga qarshilik ko‘rsatmagan politsiya voqealarga aralashishga majbur bo‘lgan va tartib buzarlarga qarshi ko‘zdan yosh oqizuvchi gaz va suv zambaraklarini qo‘llagan.