Instagram va WhatsApp guruhli videoqo‘ng‘iroqni taqdim etdi

The Verge nashrining yozishicha, Instagram va WhatsApp’da guruhli videoqo‘ng‘iroq imkoniyati paydo bo‘lgan, deb yozmoqda Spot.

Mazkur imkoniyatdan ayni vaqtda faqat sinovda ishtirok etayotgan foydalanuvchilar foydalana oladi, bir necha haftadan keyin esa imkoniyatdan boshqa foydalanuvchilar ham foydalanishi mumkin bo‘ladi.

Sukerbergning so‘zlariga ko‘ra, ko‘plab foydalanuvchilar Instagram’da do‘stlari bilan muloqot qilish uchun jonli efirdan foydalanadi. Shuning uchun kompaniya smartfon egalari uchun dasturda guruhli videoqo‘ng‘iroqlarni amalga oshirish imkoniyatini yaratadi.

Shuningdek, Sukerberg WhatsApp messenjerida ham guruhli videoqo‘ng‘iroq imkoniyati paydo bo‘lganini ma’lum qilgan.