Farg’onalik urush qatnashchilariga kommunal to‘lovlar uchun imtiyozli sertifikatlar topshirildi

Bosh prokuratura huzuridagi Majburiy ijro byurosi tomonidan Farg’ona viloyatida yashovchi urush qatnashchilariga elektr energiyasi, tabiiy gaz va ichimlik suvi iste’moli uchun 300 ming so‘mlik to‘lovlarni amalga oshirish imkonini beradigan guvohnomalar topshirildi. Bu haqda “Daryo”ga Bosh prokuratura huzuridagi Majburiy ijro byurosi xabar berdi.

Farg’ona shahrida yashovchi urush qatnashchisi Narimon Erkinov va Leningrad qamali davrida mehnat qilgan Larisa Sharipovaga kommunal xizmatlar to‘lovini amalga oshirish uchun sertifikat va sovg’alar topshirildi. Guvohnomalar Majburiy ijro byurosining hududlardagi bo‘limlariga taqdim etilishi bilan tegishli to‘lov darhol amalga oshiriladi.