Amerikalik general yangi yadro bombasining muvaffaqiyatli sinovdan o‘tkazilganini ma’lum qildi

AQSh harbiy-havo kuchlari B61-12 yadro bombasini 26 marta muvaffaqiyatli sinovdan o‘tkazdi, deb xabar beradi “Military.com” portali.

“Biz allaqachon 26 ta muhandislik sinovini o‘tkazdik. Dastur yaxshi ishlayapti”, — deydi amerikalik general Jek Vaynshteyn.

Modernizatsiyalangan bombalar avvalgi turlariga qaraganda besh martagacha aniqroq ishlaydi.

Amerikalik harbiylar sinov paytida aynan qanday samolyotlardan foydalanilganini oshkor qilmagan.

AQSh yangi aviabombalarni Germaniya, Italiya, Turkiya, Belgiya va Niderlandiyadagi harbiy bazalarga joylashtirishni rejalashtirmoqda.