Ekspertlar 2018-yilda eng ko‘p sotilgan smartfon nomini e’lon qildi

Strategy Analytics mutaxassislari dunyo bo‘yicha eng ko‘p sotilgan smartfonlar ro‘yxatini e’lon qildi. Bu haqda Strategy Analytics saytiga tayanib, “Korrespondent.net” xabar qildi.

2018-yilning 1-choragida eng ko‘p sotilgan smartfon iPhone X bo‘ldi. Dunyo bo‘yicha iPhone X’dan 16 million dona sotilgan. Keyingi o‘rinlarni 12,5 million dona sotilgan iPhone 8 va 8,3 million dona sotilgan iPhone 8 Plus egallagan.

Kuchli oltilikka iPhone 7, Xiaomi Redmi 5A va Samsung Galaxy S9 Plus smartfonlari kirdi.

Xiaomi smartfonlari ro‘yxatga o‘zining hamyonbop narxi tufayli kirgani aytilgan. Smartfonning bahosi taxminan 100 AQSh dollarini tashkil qiladi.