Diniy oqimlar ta’siriga tushib qolib, xorijga qochib ketgan ikki ayol O‘zbekistonga qaytdi

Toshkent shahar IIBB xodimlarining qidiruvda bo‘lganlarning oila a’zolari bilan olib borgan tushuntirish ishlaridan so‘ng, diniy-ekstremistik oqimlar ta’siriga tushib qolib, xorijga qochib ketgan ikki nafar o‘zbekistonlik ayol O‘zbekistonga qaytib keldi. Bu haqda shahar IIBB matbuot xizmati xabar bermoqda.

“Zebo va Ra’no (ismlar o‘zgartirilgan) bugun davlatimizning insoniylik va bag‘rikenglikka asoslangan siyosati natijasida o‘z yurtiga, qarindoshlari va yaqinlari oldiga qaytib kelganlaridan benihoya xursand ekanliklarini bildirib o‘tdi”, — deyiladi IIBB axborotida.