O‘zbekiston TIVda O‘zbekiston—Rossiya vazirliklararo maslahatlashuvlarining navbatdagi raundi bo‘lib o‘tdi

2017-yilning 6-fevral kuni O‘zbekiston Respublikasi Tashqi ishlar vazirligida O‘zbekiston—Rossiya vazirliklararo maslahatlashuvlarining navbatdagi raundi bo‘lib o‘tdi. Bu haqda O‘zbekiston Respublikasi Tashqi ishlar vazirligi matbuot xizmati xabar bermoqda.

Muzokaralarda Rossiya tomonidan Rossiya Federatsiyasi Tashqi ishlar vazirligi Axborot va matbuot departamenti direktori o‘rinbosari Aleksandr Bikantov boshchiligidagi delegatsiya ishtirok etdi.

Maslahatlashuvlar chog‘ida tashqi siyosatning matbuotdagi o‘rni va OAV bilan ishlash masalalari yuzasidan fikr almashildi, mazkur sohadagi hamkorlikni kengaytirish imkoniyatlari muhokama qilindi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.