“Chirchiq” umumqo‘shin dala o‘quv maydonida o‘tkazilgan tantanali marosimdan fotoreportaj

Toshkent viloyatidagi “Chirchiq” umumqo‘shin dala o‘quv maydoni bazasida 6-may, yakshanba kuni O‘zbekistondagi ilk tank biatloni maydonining tantanali ochilish marosimi bo‘lib o‘tdi, deya xabar bermoqda O‘zbekiston Mudofaa vazirligi matbuot xizmati.

Mavzuga doir: Video: O‘zbekistonda tarixda ilk bor tank biatloni bo‘yicha musobaqa o‘tkazildi

Tadbir davomida shaxsiy tarkib, jangovar va harbiy texnikalarning tantanali o‘tishi va vertolyotlarning ko‘rgazmali uchishi namoyish etildi. Unda 1000 dan ziyod harbiy xizmatchi va 30 dan ortiq urush yillaridagi va bugun qurollanishda turgan harbiy texnikalar tantanali marsh bilan o‘tdi.

Tadbirning asosiy qismida ikki tank ekipajining musobaqada ko‘rgazmali tarzda belgilangan to‘siqlardan o‘tishi va mashq shartidagi nishonlarni yakson etishi ko‘rsatildi. G‘olib va sovrindor jamoa kubok, diplom va qimmatbaho sovg‘alar bilan taqdirlandi.