Lissabonda “Yevrovideniye-2018” xalqaro qo‘shiqlar tanlovin boshlandi

Lissabonda “Yevrovideniye-2018” xalqaro qo‘shiqlar tanlovining ochilish marosimi bo‘lib o‘tdi. Bu haqda “RIA Novosti” xabar bermoqda.

Tantanali marosim poytaxtdagi San’at, me’morchilik va texnologiya muzeyida o‘tkazildi. Unda Portugaliya prezidenti Marselu Rebelu di Soza, madaniyat vaziri Luis Felipe Kastro Mendes ishtirok etdi.

Portugaliya Kiyevdagi tanlovda Salvador Sobral g‘alaba qozonganidan so‘ng “Yevrovideniye”ni o‘zida o‘tkazish imkoniyatini qo‘lga kiritdi.

Bu yilgi tanlovda 43 davlatdan kelgan ishtirokchilar o‘z iste’dodini namoyish etmoqda. Uning final qismi 12 may kuni bo‘lib o‘tadi.