Putin inauguratsiya marosimiga Rossiyada ishlab chiqarilgan yangi limuzinda keldi

To‘rtinchi bor Rossiya prezidenti lavozimini egallagan Vladimir Putin inauguratsiya marosimi davomida ilk bor “Kortej” loyihasi doirasida yaratilgan yangi mahalliy limuzindan foydalandi. Bu haqda “Interfaks” xabar bermoqda. 

Putin ish kabineti joylashgan Senat saroyida yonida avtomobilga o‘tirib, Ivanov maydoni orqali Katta Kreml saroyiga keldi. 

Shu tariqa, u yangi limuzinda 200 metrga yaqin yo‘l bosdi.

Putin kelgusida ham “Kortej” avtomobillarida harakatlanishi rejalashtirilmoqda.