YChL. “Liverpul” — “Real Madrid” o‘rtasidagi final uchrashuviga hakam tayinlandi

2017/18-yilgi Yevropa Chempionlar Ligasi final uchrashuviga hakamlar jamoasi tayinlandi. Bu haqda UEFA rasmiy saytida xabar berildi.

Unga ko‘ra, “Liverpul” va “Real” jamoalari o‘rtasidagi final bahsini Milorad Majich boshchiligidagi serbiyalik hakamlar brigadasi boshqarib boradi. Unga qanotlarda hamyurtlari — Milovan Ristich va Dalibor Jurjevich yordam beradi. Darvoza ortida esa Nenad Jokich va Danilo Gruich ishlaydi. To‘rtinchi hakam – Kleman Tyurpen (Fransiya) bo‘ladi.

Ma’lumot uchun final o‘yini 26-may kuni Kiyevdagi “Olimpiyskiy” stadionida bo‘lib o‘tishi rejalashtirilgan.