Nyu-Yorkda pitssa muzeyi ochiladi

AQShning Nyu-York shahrida oktabr oyida ko‘pchilikning sevimli yeguligi bo‘lgan pitssa muzeyi ochiladi, deb xabar beradi Forum Daily.

Muzeyda hayratomuz interaktiv eksponatlar va noodatiy galereyalar, xususan pishloq g‘ori va pitssali plyaj ham bo‘ladi.

Shuningdek, muzeyda pitssa-meditatsiya va pitssa-dzen kabi mashg‘ulotlar ham o‘tkaziladi. Biroq, bu jarayonlar qay tarzda o‘tkazilishi hozircha noma’lum.

Muzey tashkilotchilari pitssaga bo‘lgan kuchli muhabbatlari tufayli aynan shunday maskanni yaratishga qaror qilganini va bu orqali insonlarga pitssadan zavqlanish imkonini taqdim etishni maqsad qilganini ta’kidlagan.