Sirdaryodagi gaz quyish shoxobchasida Nexia gaz balloni portladi

Sirdaryo viloyatining gaz quyish shoxobchalaridan birida Nexia gaz balloni portladi. Bu haqda IIV jamoatchilik va OAV bilan aloqalar boshqarmasi xabar berdi.

Hodisa Sirdaryo tumanidagi Bunyodkor mahallasida joylashgan “Trans-kuch-servis” MChJga qarashli avtomobillarga gaz quyish shoxobchasida sodir bo‘ldi.

Gaz to‘ldirilayotgan paytda gaz balloni yorilib ketishi tufayli mashina texnik shikastlandi.

Yuz bergan voqea oqibatida jarohatlanganlar bo‘lmadi.