Lenovo “haqiqiy hoshiyasiz” smartfon suratini taqdim etdi

Lenovo vitse-prezidenti Chan Chen Weibo’dagi o‘zining rasmiy akkauntiga “haqiqiy hoshiyasiz” smartfon suratini joylashtirdi. Suratdan ko‘rish mumkinki, yangi Lenevo flagmanining old qismida birorta ham “qirqim” bo‘lmaydi, deb xabar beradi Hi-Tech.Mail.Ru.

Chan Chen surat bilan birga foydalanuvchilar orasida so‘rov ham o‘tkazgan. U mazkur flagman ekranining korpusga nisbati nechiga teng bo‘lishi lozimligini so‘ragan:

Lenovo vitse-prezidenti kompaniya taqdim etilayotgan ushbu qurilmaning ekran nisbatini 95 foizga qadar ko‘tarishga qodir ekanligini ta’kidlagan. Bu yon va yuqori “qirqim”larsiz haqiqiy to‘liq ekranli smartfonga aylanadi.

Ma’lumotlarga ko‘ra, smartfon 14-iyun kuni rasman taqdim etiladi.