Luvrda O‘zbekiston milliy ko‘rgazmasi tashkil etiladi

O‘zbekistonga Luvr muzeyi direktori Jan-Lyuk Martines boshchiligidagi Fransiya delegatsiyasi keldi. Bu haqda Madaniyat vazirligi qoshidagi madaniyat va san’atni rivojlantirish jamg‘armasi matbuot xizmati ma’lum qildi.

Mazkur tashrifdan ko‘zda tutilgan asosiy maqsad Luvrda O‘zbekiston milliy ko‘rgazmasini tashkil etish masalalarini muhokama etishdan iborat.

Tashrif doirasida delegatsiyaning Oliy Majlis Senati, Madaniyat vazirligi, shuningdek, O‘zbekiston musulmonlari idorasida uchrashuvlar o‘tkazishi ko‘zda tutilgan.

Shuningdek, Luvr direktori Temuriylar tarixi, San’at va Tarix muzeylari, Samarqanddagi “Afrosiyob” muzeyida ham bo‘ladi.