Lola Karimova-Tillayeva The Best Award mukofotini qo‘lga kiritdi

O‘zbekistonning YuNESKOdagi doimiy vakili Lola Karimova-Tillayeva The Best Award mukofotini qo‘lga kiritdi, deb yozadi UzDaily.

The Best Award mukofotini topshirish marosimi Fransiyaning Parij shahrida bo‘lib o‘tdi. Lola Karimova-Tillayevaga mukofot uning ko‘p yillik xayriya faoliyati, shuningdek, O‘zbekiston madaniyati va san’atini Yevropada targ‘ib etishga qo‘shgan hissasi uchun berildi.

The Best Award mukofoti 1977-yilda ta’sis etilgan bo‘lib, u har yili topshiriladi. Turli yillarda unga Karl Lagerfeld, Omar Sharif, Endi Uorxol, Mari-Xelen de Rotshild kabi mashhur shaxslar sazovor bo‘lgan.

Lola Karimova-Tillayeva O‘zbekistondagi ikkita yirik xayriya tashkilotlari — “Sen yolg‘iz emassan” fondi va Respublika bolalar ijtimoiy adaptatsiya markazi rahbari hisoblanadi.