Estoniyaga amerikalik piyoda askarlar foydalanishi uchun og‘ir texnika yetib keldi

Estoniya mudofaa kuchlari bosh qarorgohi AQSh armiyasi piyodalar rotasining texnikasi Estoniyaga yetib kelganini ma’lum qildi. Bu haqda “Kommersant” xabar bermoqda.

Estoniya mudofaa kuchlari axborotida ta’kidlanishicha, piyodalar rotasining tanklar va piyodalar harbiy mashinalaridan iborat og‘ir texnikasi Estoniyaning Tapa stansiyasiga yetib kelgan. Ayni damda yuklarni tushirish ishlari olib borilmoqda.

Qayd etilishicha, rotaning shaxsiy tarkibi o‘tgan hafta juma kuni kelgan.

Avvalroq AQSh zirhli tanklar rotasi harbiylarining 25 kishilik birinchi guruhi Atlantic Resolve missiyasi doirasida Latviyaga yetib kelgan edi. Ushbu guruh NATOning sharqiy qanotini kuchaytirishga qaratilgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.