KXDR Sariq dengizdagi orolda yangi harbiy obyekt barpo etmoqda

KXDR Sariq dengizdagi Kaldo orolida yangi harbiy obyekt barpo etmoqda. Bu haqda 7-fevral, seshanba kuni Janubiy Koreyaning YTN telekanali ma’lum qildi, deb yozadi “TASS”.

Reportajda ta’kidlanishicha, Shimoliy koreyalik harbiylar kuzatish punkti bo‘lishi taxmin qilinayotgan obyektni qurish ishlarini olib bormoqda.

Kaldo 2010-yilda Shimol tomonidan artilleriya hujumiga uchragan Janubiy Koreyaning Yonpxyondo orolidan 4,5 kilometr masofada joylashgan.  2015-yilda Kaldo baravar o‘t ochish reaktiv tizimi uchun pozitsiyalar bilan jihozlangan, joriy yil boshida esa 20 kilometrgacha masofada nishonni mo‘ljalga oluvchi 122-millimetrli artilleriya qurilmalari orolga joylashtirilgan.

2016-yil oxirida Koreya Respublikasi harbiy kuchlari bu harakatlarga javob tariqasida Yonpxyondo va qo‘shni Pennyondo orollariga “Chxonmu” yangi zenit raketa kompleksini joylashtirdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.