“Liverpul”dan qoyilmaqom natija: Klopp shogirdlari joriy mavsum Angliyada o‘z maydonida yengilmagan yagona jamoa bo‘ldi

“Liverpul” APLning so‘nggi 38-turida “Brayton”ni 4:0 hisobida mag‘lubiyatga uchratdi.

Mersisaydliklar joriy mavsum Angliyaning professional ligalaridagi klublar ichida o‘z maydonida imkoniyatni boy bermagan yagona jamoaga aylandi, deb yozadi “Sports.ru”.

“Liverpul” o‘z maydonida o‘tkazgan 19 ta uchrashuvning 12 tasida g‘alaba va 7 tasida durang natija qayd etdi. Klopp shogirdlari mavsumni 4-o‘rinda yakunladi.

Jamoa 26-may kuni Yevropa Chempionlar Ligasi finalida Madridning “Real”iga qarshi kurash olib boradi.