Buyuk Britaniyada yashil junli kuchuk dunyoga keldi (foto)

Buyuk Britaniyaning Lankashir grafligida labrador zotiga mansub it beshta kuchukni dunyoga keltirdi. Ulardan birining juni yashil tusli bo‘lib chiqdi, deya xabar beradi “Korrespondent.net”.

Biz biroz taajjubda qoldik. Lekin keyin balki bu me’yoriy holdir, deb o‘yladik.

Eleyn Kuper, kuchuklar egasi

G‘ayrioddiy rang kuchuk platsentasida bileverdin miqdori ko‘pligi bilan izohlanmoqda. Mazkur modda gemoglabin parchalanishidan hosil bo‘ladi. Bu kuchukning sog‘ligiga mutlaqo ta’sir qilmaydi, yashil rang bir necha haftadan so‘ng yo‘qolib ketadi.

Antiqa kuchukka “Shrek” multfilmi qahramoni Fiona sharafiga Fifi deya laqab berildi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.