Hindistonda o‘g‘rilar Nobel laureatining uyini o‘marib, mukofot sertifikatini olib ketdi

Hindiston poytaxtida Nobel mukofoti sohibi, taniqli huquq himoyachisi Kaylash Satyartxining kvartirasini ship-shiydam qilgan o‘g‘rilar nufuzli mukofot sertifikatini ham olib ketdi. Bu haqda “TASS” xabar bermoqda.

O‘g‘rilik sodir bo‘lganini Satyartxining qarindoshlari aniqladi. 63 yoshli huquq himoyachisi ayni paytda xorijda bo‘lib turibdi. U Kolumbiya poytaxti Bogotaga, Nobel mukofoti laureatlari sammitiga yo‘l olgandi.

Jinoyatchilar kvartiradan qimmatbaho buyumlar va elektronikani ham o‘mardi. O‘marilgan buyumlar orasida uyda saqlanayotgan Nobel medali nusxasi xam bo‘lishi mumkinligi bildirilmoqda.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.