Rossiya Tashqi ishlar vazirligi Yevropa Ittifoqining sanksiyalariga javob qaytarish huquqiga ega ekanligini ma’lum qildi

Rossiya Tashqi ishlar vazirligi rasmiy vakili Mariya Zaxarovaning ma’lum qilishicha, Moskva Yevropa Ittifoqining so‘nggi sanksiyalariga javob qaytarish huquqini o‘zida saqlab qoladi. Bu haqda TIV saytiga asoslanib, “Gazeta.ru” xabar berdi.

“Demokratiya va inson huquqlarining oliy prinsiplarini unutgan holda Bryussel yarimorolda demokratik irodani tashkil etishga aloqadorlarni jazolamoqda”, – deya ta’kidlaydi Zaxarova.

Idora vakilining so‘zlariga qaraganda, Rossiyaga qarshi sanksiyalar qandaydir “hamjihatlik” marosimi namoyishiga aylanib ketgan.

“Rossiya tomoni Yevropa Ittifoqining navbatdagi do‘stona bo‘lmagan qadamiga javob qaytarish huquqini o‘zida saqlab qoladi”, – deydi Zaxarova.