Yoaxim Lyov Germaniya terma jamoasi bilan shartnomasini uzaytirdi

Nemis mutaxassisi Yoaxim Lyov Germaniya terma jamoasi bosh murabbiyi sifatida 2022-yilgacha ishlaydigan bo‘ldi. Bu haqda “Sports.ru” xabar berdi.

Lyovning terma jamoadagi yordamchilari — Tomas Shnayder va darvozabonlar murabbiyi Andreas Kepke bilan tuzilgan shartnomalar ham uzaytirildi.

Mutaxassis Germaniya terma jamoasiga 2006-yildan beri ustozlik qilmoqda. Bunga qadar u termada Yurgen Klinsmanning yordamchisi sifatida faoliyat olib borgan.

Yoaxim Germaniya termasi bilan JCh-2014, Konfederatsiyalar kubogi-2017 da g‘alaba qozongan.