Yaponiyada 44 million dollarlik oltinni noqonuniy olib kirgan kontrabandachilar fosh qilindi

Tokio politsiyasi Yaponiyaga 44 million dollarlik (4,8 milliard iyen) oltinni noqonuniy olib kirgan kontrabandachilarni fosh qildi. Bu haqda Kyodo axborot agentligiga tayanib, “TASS” xabar berdi.

Jinoiy ish bo‘yicha 7 nafar gumonlanuvchi hibsga olingan. Ularning orasida gangster-yakudzalar bor.

Politsiya ma’lumotlariga qaraganda, oltin Gonkongdan ikkita tubi chuqur qutilarda olib kirilgan. Qutilarga tekshiruvchilarni chalg‘itish uchun shisha mahsulotlar joylashtirilgan.

Kontrabandachilar doim Yaponiyaga qo‘shni Osiyo mamlakatlaridan arzon narxga olingan oltinni olib kirishga harakat qiladi. Masalan, 2017-yil iyun oyida Kansay xalqaro aeroportida noqonuniy olib kelingan 100 kilogramm oltin aniqlangan. Oltinni 10 nafar Malayziya fuqarosi kiyimlari tagida olib kirishga harakat qilgan.