Bugun Yashnobod tumanidagi Issiqsuv ko‘chasida avtotransport vositalarining harakatlanishi vaqtincha cheklanadi

Yashnobod tumanidagi Issiqsuv ko‘chasida bugun, 17-may kuni soat 09:00 dan 13:00 gacha avtotransport vositalarining harakati vaqtinchalik cheklanadi. Bu haqda Toshkent shahar IIBB matbuot xizmati xabar berdi.

“Shu yilning 17-may kunlari Toshkent shahrida amaliy taktik-maxsus o‘quv mashg‘ulotlari o‘tkaziladi. Shu munosabat bilan tadbir kunlari Yashnobod tumani, Issiqsuv ko‘chasida soat 09:00 dan 13:00 gacha avtotransportlar harakati vaqtinchalik cheklanishini ma’lum qilamiz”, — deyiladi xabarda.