Rossiyada Facebook va Instagram ishida uzilishlar yuz berdi

Rossiya va Yevropaning bir qator mamlakatlaridagi foydalanuvchilar Facebook va Instagram ijtimoiy tarmoqlarining ishida uzilishlar yuz berganini ma’lum qildi. Bu haqda Downdetector xabar berdi.

Facebook saytiga kirish chog‘ida ekranda sayt ishida muammo yuzaga kelgani va buning ustida ish olib borilayotgani haqida ogohlantirish paydo bo‘lgan. Ba’zi foydalanuchilarda esa xatolik haqida xabar paydo bo‘lgan. Muammolar nafaqat Rossiya, balki Polsha, Daniya, Norvegiya va Boltiq mamlakatlarida ham yuzaga kelgani qayd etilgan.

Instagram’ning mobil dasturini ochishda ham muammolar kuzatilgan.