Shavkat Mirziyoyev: O‘rmon xo‘jaligi alohida yirik sohaga aylanishi zarur

O‘zbekiston Prezidenti Shavkat Mirziyoyev Andijon viloyatiga tashrifi davomida o‘rmon xo‘jaligini rivojlantirish bo‘yicha loyihalar bilan tanishdi, deya xabar bermoqda Prezident matbuot xizmati.

Qayd etishlaricha, O‘zbekiston Davlat rahbari mutasaddilar e’tiborini ushbu sohada foydalanilmay turgan imkoniyatlar ko‘pligiga qaratgan.

O‘rmon xo‘jaligi yerlarida foydalanilmayotgan imkoniyat ko‘p.

Masalan, pista, yong‘oq, no‘xot, loviya kabi xaridorgir mahsulotlar, za’faron, na’matak va boshqa dorivor o‘simliklardan qancha daromad olsa bo‘ladi! Asal yetishtirish ham mumkin.

Faqat ilm, izlanish, harakat kerak. Vaqti kelib, o‘rmon xo‘jaligi alohida yirik sohaga aylanishi zarur.

Shavkat Mirziyoyev, O‘zbekiston Prezidenti