Shavkat Mirziyoyev: Muhimi — fuqarolarimizda yaxshi yashash uchun intilishning kuchayib borayotgani

Andijon viloyatining Ulug‘nor tumanida 19-may kuni O‘zbekiston Prezidenti Shavkat Mirziyoyev raisligida faollar yig‘ilishi bo‘lib o‘tdi. Prezident matbuot xizmatining qayd etishicha, yig‘ilish davomida viloyatning so‘nggi bir—bir yarim yillik rivojlanish ko‘rsatkichlari ham sarhisob qilingan.

Jumladan, Prezidentning Andijonga o‘tgan yil iyun oyidagi tashrif yakuniga ko‘ra ishlab chiqilgan, 2017—2018-yillarga mo‘ljallangan dasturga muvofiq viloyatda 2017-yilda umumiy qiymati 1,5 trillion so‘m bo‘lgan 3 mingdan ziyod loyiha amalga oshirilgan.

“Buning natijasida sanoat mahsulotlarini ishlab chiqarish hajmi 26 foizga, joriy yilning birinchi choragida 34 foizga o‘sgan”, — deyiladi Prezident matbuot xizmati axborotida.

Muhimi — raqamlar emas, balki fuqarolarimizda ertangi kunga bo‘lgan ishonchning mustahkamlanayotgani, ularda yaxshi yashash uchun intilish va izlanishning kuchayib borayotganidir.

Shavkat Mirziyoyev, O‘zbekiston Prezidenti

Mavzuga doir: Shavkat Mirziyoyev: Andijonda bu yil 25 mingta ishchi o‘rni yaratish rejasi kam. Chunki ishsizlar soni bundan ko‘p