Donald Tramp KXDR bilan sammitdan voz kechishi mumkin

AQSh prezidenti Donald Tramp KXDR yetakchisi Kim Chen In bilan iyunga rejalashtirilgan sammitdan voz kechishi mumkin. Bu haqda Amerika vitse-prezidenti Maykl Pens Shimoliy Koreya tomoni Janubiy Koreya bilan muloqotni to‘xtatib qo‘yish haqida tahdid qilganidan keyin aytib o‘tdi, deb yozadi “Gazeta.ru”.

“Kim Chen In Donald Tramp bilan o‘ynasha olaman, deb o‘ylayotgan bo‘lsa, katta xato qiladi”, — dedi Pens.

U prezident hech qanday shubhalarsiz, Shimoliy Koreya yetakchisi bilan uchrashuvdan voz kechish huquqini o‘zida saqlab qolishini ta’kidladi.

Avvalroq AQSh prezidenti Donald Tramp Shimoliy Koreya yetakchisi Kim Chen In bilan 12-iyunga rejalashtirilgan sammit borasida ikkilanayotgani xabar berilgan edi.