Turkiyada fitnadan so‘ng yana 5 mingga yaqin davlat xizmatchisi ishdan bo‘shatildi

Turkiya hukumati o‘tgan yilning iyulidagi davlat to‘ntarishiga urinishdan keyingi tozalash ishlarida yana 4,5 mingga yaqin davlat xizmatchisini ishdan bo‘shatdi. Bu haqda “Korrespondent.net” xabar bermoqda.

4 464 nafar ishdan bo‘shatilganlardan 2 585 nafari ta’lim vazirligi xodimi, 893 nafari jandarmeriya va 88 nafari TRT jamoat telekanali xodimidir.

Hukumat fitnadan keyin jami 41 mingdan ortiq kishini hibsga oldi, shuningdek, 100 mingga yaqin kishini ishdan bo‘shatdi. Ularning barchasi Fathulloh Gulen bilan aloqadorlikda gumon qilinmoqda. Tozalash qurbonlari orasida o‘qituvchilar, politsiyachilar, sudya va jurnalistlar ham ko‘p.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.