Tramp ishlar bilan bandligi tufayli sutkada 5 soatdan kamroq uxlayapti

AQSh prezidenti Donald Tramp ishlar bilan band bo‘lgani tufayli sutkada uyqu uchun 4–5 soatdan ko‘p vaqt ajratmayotganini ma’lum qildi, deb xabar bermoqda “Interfaks”.

Fox News telekanaliga bergan intervyusida, AQSh prezidenti uzoq vaqt ishlayotganini aytdi. Tramp tungi soat 1:00 atrofida uxlashga yotadi va ertalab 5:00 da uyg‘onadi. Nonushta qilib, gazeta mutolaa qiladi va teledasturlarni ko‘rib chiqadi. Prezident uyquga 4–5 soat vaqt ajratmoqda.

Donald Tramp prezident sifatida ish boshlaganida, barcha narsalarning “soni va ko‘lamidan” hayratga tushdi.

Bularning barchasidan o‘tishga to‘g‘ri keladi, chunki juda ko‘p ishni amalga oshirish kerak.

Donald Tramp, AQSh prezidenti

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.