Instagram Mute tugmasini ishga tushirdi

Instagram ijtimoiy tarmog‘ida Mute tugmasi (“E’tiborsiz qoldirish”) paydo bo‘ldi. Ushbu tugma konkret foydalanuvchilarga obuna bo‘lgan holda ularning postlari va tarixini berkitib qo‘yish imkonini beradi, deb xabar qildi Meduza.

Yangi funksiyani ishga tushirish uchun foydalanuvchi suratining o‘ng yuqori burchagida turgan «…» belgisiga yoki uning profiliga bosishi kerak. Mute rejimini o‘chirib qo‘yish ham xuddi shuningdek, profil orqali amalga oshiriladi.

Berkitib qo‘yilgan akkauntga bu borada ogohlantirish bormaydi.

Agarda foydalanuvchi suratda yoki izohda qayd etilgan bo‘lsa, Mute rejimi tanlanganidan keyin ham unga xabar borib turadi, shuningdek, ushbu suratni ko‘rishi ham mumkin bo‘ladi.