Jeki Channi yig‘latgan 40 yil. Kinoyulduz o‘tmishda qolgan kaskadyorlari bilan diydorlashdi (video)

20-yanvar kuni Xitoyning Ace vs Ace ko‘ngilochar shousida Jeki Chan uchun yordamchilarining birinchi avlodi bilan uchrashuv tashkil etildi. Shou Jeki Chan kaskadyorlar jamoasining qirq yillik yubileyiga bag‘ishlangan edi. Videorolikka Huffington Post nashri e’tibor qaratdi, deb yozadi TJournal.

Aktyor ekranda jamoasi birinchi a’zolarining xotiralarini tinglar ekan, ular sezdirmasdan Jeki Channing ortida paydo bo‘ldi va yosh kaskadyorlar yonidan joy oldi.

“Og‘alar, ko‘rishmaganimizga qancha bo‘ldi. Kimdir allaqachon oramizda yo‘q, birga bo‘lish uchun borgan sari kamroq vaqtimiz qolmoqda. Shuncha yil davomida yonimda bo‘lganingiz uchun rahmat”, — dedi Chan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.