Farg‘onada test sinovlari o‘tkaziladigan joylar ma’lum qilindi

Farg‘ona viloyatida oliy o‘quv yurtlarining bakalavr yo‘nalishiga kirish imtihonlari 3 ta binoda o‘tkaziladi. Bu haqda “Daryo” muxbiri Azizjon Ermatov xabar berdi.

Kirish imtihonlari Farg‘ona davlat universiteti sport majmuasidagi ko‘chma pavilyon (840 o‘rin), Farg‘ona olimpiya zaxiralari kolleji (1620 o‘rin) hamda “Neftchi” futbol klubi tasarrufidagi bolalar va o‘smirlar futbol maktabida (540 o‘rin) o‘tkaziladi.

Test sinovlari 1-avgustdan 15-avgustga qadar har kuni ikki smenada tashkil qilinadi. Natijalar test sinovlari o‘tkazilgan kunning ertasiga Davlat test markazining rasmiy veb-saytida e’lon qilinadi.