Tashqi ishlar vazirligida Amnesty international delegatsiyasi bilan uchrashuv bo‘lib o‘tdi

2018-yilning 24-may kuni Tashqi ishlar vazirligida Amnesty International xalqaro huquqni himoya qilish tashkiloti delegatsiyasi Sharqiy Yevropa va Markaziy Osiyo bo‘yicha mintaqaviy direktori Mari Strazers boshchiligidagi delegatsiya bilan uchrashuv bo‘lib o‘tdi. Bu haqda Tashqi ishlar vazirligi matbuot xizmati xabar qildi.

Suhbat davomida O‘zbekiston va Amnesty International o‘rtasidagi hamkorlik yo‘nalishlari muhokama qilindi.

Mari Strazers va uning hamrohlari Bosh prokuratura, Oliy sud, qator vazirlik, nodavlat va notijorat tashkilotlari vakillari bilan ham uchrashgan.

Eslatib o‘tamiz, Amnesty International delegatsiyasi 2004-yildan buyon O‘zbekistonga birinchi marta keldi.