AQSh Turkmanistondan paxta va paxta mahsulotlarini olib kirishni taqiqladi

AQSh Turkmanistondan paxta va paxta mahsulotlarini olib kirishni taqiqladi, deb yozadi “RIA Novosti” AQSh  chegara va bojxona qo‘riqlovi boshqarmasiga tayanib.

Bunday qaror nima sababdan qabul qilinganiga aniqlik kiritilmagan. Ammo, nashr eslatishicha, avvalroq bunday yechimni O‘rta Osiyo mahsulotlarida qullar mehnatidan foydalanilishi haqidagi ma’lumotlarni keltirgan aktivistlar yoqlab chiqqan edi.

Ushbu yechimni paxtachilik sohasida bolalar va qullar mehnatini tugatish uchun kurashadigan Cotton Campaign koalitsiyasi ilgari surgan. Ushbu guruh avvalroq Inditex, IKEA va H&M kabi yirik savdo tarmoqlarining turkman paxtasini sotib olishdan voz kechishiga erishgan edi.