Buyuk Britaniyada labrador zotli it 9 ta o‘rdak bolasini boqib oldi

Buyuk Britaniya?ning Esseks grafligidagi Mauntfichet qasri yaqinida labrador zotli it qarovsiz qolgan o‘rdaklarni boqib oldi. Bu haqda Daily Mail’ga tayanib, “RIA Novosti” xabar bermoqda.

Qasr xodimlarining aytishicha, o‘rdaklarning onasi qayergadir g‘oyib bo‘lgan — uni tulki yeb ketganining ehtimoli ham bor. Biroq o‘rdak bolalari qarovsiz qolgani yo‘q. Fred ismli 10 yoshli labrador o‘rdak bolalariga g‘amxo‘rlik qilishni boshlagan. It o‘rdak bolalarini ustida ko‘tarib yuradi, cho‘milishga olib boradi.

“Fredning ajoyib tabiati bor. O‘rdaklar uni juda yaxshi ko‘radi”, — dedi Mauntfichet qasri direktori Jeremi Goldsmit.