» » Samarqand viloyatida yilning birinchi choragida 6 ta avtotransport vositasi olib qochildi

Samarqand viloyatida yilning birinchi choragida 6 ta avtotransport vositasi olib qochildi


Yilning birinchi choragida Samarqand viloyatida oltita avtotransport vositasini olib qochish holati qayd etilgan. Bu o‘tgan yilning shu davriga nisbatan bittaga ko‘pdir. O‘lim bilan bog‘liq yo‘l-transport hodisalari esa 30,3 foiz (10 ta)ga ko‘paygan, deb yozadi O‘zA.

Bu ma’lumotlar xalq deputatlari Samarqand viloyati Kengashining navbatdagi sessiyasida Samarqand viloyati ichki ishlar boshqarmasi boshlig‘ining viloyat hududida 2018-yil uch oyi davomida jinoyat va huquqbuzarliklarning barvaqt oldini olish, uning sabablarini bartaraf etish yuzasidan amalga oshirilgan ishlar to‘g‘risidagi axborotida bayon etilgan.

Shuningdek, axborotda yozilishicha, yilning birinchi choragida viloyatda umumiy jinoyatchilik 34 foiz (427 ta)ga, jinoyat qidiruv sohasidagi jinoyatlar 36 foiz (300 ta)ga kamaygan. Jumladan, qasddan odam o‘ldirish 35,3 foiz (6 ta)ga, nomusga tegish 85,7 foiz (6 ta)ga, bezorilik 64,3 foiz (9 ta)ga, qasddan badanga yengil tan jarohati yetkazish 73,3 foiz (74 ta)ga kamayishiga erishilgan. Profilaktika tadbirlari tufayli viloyatdagi 1 086 ta mahallaning 732 tasida jinoyat sodir etilishiga yo‘l qo‘yilmagan.

Shu bilan birga ayrim hududlarda jinoyatchilikka qarshi kurashish va huquqbuzarliklarning barvaqt oldini olish borasida kamchiliklarga yo‘l qo‘yilgani qayd etildi. Oqibatda Samarqand shahri va Pastdarg‘om tumanida qotillik jinoyati bittadan ko‘paygan.



Manba: Daryo.uz
Опубликовано: admin (25-05-2018, 20:28)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Что нужно улучшить на нашем сайте?

КТО НА САЙТЕ?
( 100) ( 0) ( 99) ( 1)
Юзеры:
- отсутствуют
Гости:
Роботы:
Последние 20 посетителей... - отсутствуют