Krishtianu Ronaldu oltinchi mavsum ketma-ket Chempionlar Ligasining eng yaxshi to‘purari bo‘ldi

Yevropa Chempionlar Ligasini ketma-ket uchinchi marta qo‘lga kiritgan “Real”ning portugaliyalik hujumchisi Krishtianu Ronaldu joriy mavsumdagi Chempionlar Ligasining eng yaxshi to‘purariga aylandi.

Portugaliyalik hujumchi joriy mavsum Yevropaning klublar o‘rtasidagi asosiy musobaqasida 15 ta gol urdi. Shu tariqa Ronaldu Chempionlar Ligasining oltinchi mavsumida ketma-ket eng ko‘p gol urgan o‘yinchi bo‘ldi.

Karyerasi davomida esa Krishti Chempionlar Ligasida 7 marta to‘purar bo‘lgan. Undan boshqa biror futbolchiga 7 mavsumda Chempionlar Ligasi turnirining eng yaxshi to‘purari bo‘lish nasib etmagan.