Germaniyadagi eng yirik ko‘ngilochar bog‘ yonib ketdi

Germaniyaning Rust shahrida joylashgan Europa Park ko‘ngilochar bog‘i hududida yong‘in yuzaga keldi, deb xabar beradi “RBK”.

Yong‘in mahalliy vaqt bilan soat 18:30 da yuz berdi. Dastlabki ma’lumotlarga ko‘ra, yong‘in bog‘ning golland pavilyonlaridan birida kelib chiqqan.

So‘ngra olov bog‘ning boshqa qismlariga ham tarqalgan.

Wah #EuropaPark c’est un gros d?lire ?a me fait mal au coeur pic.twitter.com/hpZQXfSdmt

— boh (@CloeC_) May 26, 2018

Yong‘in uch soatdan keyin o‘chirilgan. Yong‘in yuz bergan paytda bog‘da 25 ming kishi bo‘lgan. Hodisa oqibatida hech kim jabrlanmagan. Shahar ma’muriyati aholidan quyuq tutun tufayli derazalarini ochmaslikni so‘ragan.

Europa Park Germaniyadagi eng yirik bog‘ bo‘lib, u 1975-yilda tashkil etilgan. Unda 13 ta Yevropa mamlakatni namoyon etuvchi 16 ta mavzuli bo‘limlar mavjud.