Sodiq Safoyev McKinsey konsalting firmasi vakillarini qabul qildi

O‘zbekiston Oliy Majlisi Senati Raisining birinchi o‘rinbosari Sodiq Safoyev 7-fevral kuni McKinsey konsalting firmasi katta hamkori D.Fayn va firmaning Markaziy Osiyo bo‘yicha katta hamkori Y.Maksimaynen bilan uchrashdi. Bu haqda Senat axborot xizmati xabar bermoqda.

Bo‘lib o‘tgan suhbat chog‘ida McKinsey firmasi vakillari O‘zbekistonda yuz berayotgan jarayonlarga, iqtisodiyot sohasida olib borilayotgan islohotlarga yuqori baho berdi.

“Tomonlar investitsiya va moliyaviy sohalarda, shuningdek, chet el investitsiyalarini jalb qilishda hamkorlikning istiqbolli yo‘nalishlari yuzasidan fikr almashdi”, — deyiladi Senat axborotida.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.