Toshkentda 50 sotix yerni 48,5 ming dollar evaziga va’da qilgan firibgar qo‘lga olindi

Toshkent shahrida firibgarlik jinoyati sodir etildi, deb xabar bermoqda IIV jamoatchilik va ommaviy axborot vositalari bilan aloqalar boshqarmasi.

Toshkent shahri Mirobod tumanida yashovchi O.Q. 2017-yilning martida Olmazor tumanida yashovchi B.X.ga va 2018-yilning yanvarida Yunusobod tumanida yashovchi T.I.ga Sergeli tumanidan 0,50 gektar yer maydonini olib berishni va’da qilgan. O.Q. aldash yo‘li bilan B.X.dan 40 ming va T.I.dan 8 ming 500 AQSh dollari olgan. O.Q. bergan va’dasini bajarmay pullarni o‘z ehtiyojlari uchun ishlatib yuborgan.

Ko‘rilgan choralar natijasida O.Q. ushlangan.