Repinning kartinasiga zarar yetkazgan o‘zbekistonlik 2 oyga hibsga olindi

Moskvadagi Tretyakov galereyasida Ilya Repinning “Ivan Grozniy va uning o‘g‘li Ivan” kartinasiga zarar yetkazgan vandalni Moskvaning Zamoskvoretskiy tuman sudi ikki oylik hibsga hukm qildi, deb yozadi Sputnik.

Asli o‘zbekistonlik Igor Podporin 26-iyulgacha hibsda saqlanadi, u olti yilga qamalishi va 6 million rubl (95 ming dollar)gacha jarimaga tortilishi mumkin.

Himoya tomoni Podporin aybini tan olgani va tergov bilan hamkorlik qilishga tayyorligini pesh qilib, u uchun uy qamog‘ini so‘ragan bo‘lsa-da, sud prokurorning vajlariga quloq tutdi.

Ayblov tomoni vakili vandalning xatti-harakatlari keng jamoatchilik orasida shov-shuvga sabab bo‘lgani va xalq noroziligini keltirib chiqarganini ta’kidladi.