OAV: Eron yana bir raketani uchirdi

Eron Tehrondan sharqda joylashgan start maydonchasidan yana bitta raketani uchirdi, yanvardagi raketa parvozi ham aynan o‘sha yerdan amalga oshirilgan edi, deb yozadi “Gazeta.ru”. Bu haqda Fox News amerikalik mansabdorga tayanib ma’lum qildi.

“Yer—havo” turidagi kichik masofali Mersad raketasi 8-fevral, chorshanba kuni uchirilgan, u start maydonchasidan 56 kilometr masofaga qulagan.

30-yanvar kuni Eron o‘rtacha masofali ballistik raketani sinagani ma’lum bo‘lgach, 3-fevral kuni AQSh Eronga qarshi yangi sanksiyalarni kiritgan edi.