AQSh razvedkasi Kim Chen Inning Pxenyanda fastfud restoranini ochish rejasidan xabar topdi

KXDR yetakchisi Kim Chen In Pxenyanda G‘arbning fastfud restoranlari tarmoqlaridan birining yemakxonasini ochmoqchi. Bu haqda AQSh Markaziy razvedka boshqarmasining Donald Tramp va Kim Chen Inning uchrashuvi arafasida tayyorlangan ma’ruzasida aytiladi, deb yozadi Meduza.

Shimoliy Koreya yetakchisi AQSh prezidentining burgerlarga ishtiyoqmandligini bilgan holda, yaxshi niyat belgisi sifatida bunday qadamni qo‘ymoqchi, deyiladi hujjatda.

Ayni vaqtda, Kim Chen In, jamoatchilikka e’lon qilgan bayonotlariga qaramay, KXDR yadro dasturidan voz kechmoqchi emas, deyiladi razvedka ma’ruzasida.