“Manchester Yunayted” Antoni Marsyalni sotib, uning o‘rniga Garet Beylni olib keladi

“Real Madrid” futbolchisi Garet Beyl Angliyaga qaytishi mumkin.

AS nashri xabariga ko‘ra, manchesterliklar “Qirollik klubi”ning uelslik yarim himoyachisini sotib olish uchun katta mablag‘ sarflashga tayyor. Gap 140 million yevro haqida ketmoqda.

Buning uchun “Yunayted” rahbariyati fransiyalik Antoni Marsyalni sotadi. Klub unga 100 million yevro narx belgiladi. Antonining transferidan tushadigan mablag‘ orqali esa Beyl Angliyaga qaytarilishi mumkin.

Avvalroq uelslik futbolchining “Chelsi”ga o‘tishi mumkinligi haqida xabarlar paydo bo‘lgandi. Shuningdek, Garetning sobiq jamoasi “Tottenhem” ham uni ortga qaytarishga harakat qilib ko‘rishi mumkin.