Bo’stonliq tumanida Lacetti’ni olib qochgan “shovvozlar” qo’lga olindi

27-may, yakshanba kuni Toshkent viloyati Bo‘stonliq tumanida 4 nafar noma’lum shaxs avtomashinalar turargohida eshigi ochiq holda qoldirilgan hamda kaliti ichida bo‘lgan Lacetti’ni olib qochdi. Bu haqda IIV jamoatchilik va ommaviy axborot vositalari bilan aloqalar boshqarmasi xabar bermoqda.

Olib borilgan qidiruv ishlari natijasida jinoyatni Parkent tumanida yashovchi G‘.G‘. sodir etgani aniqlangan. G‘.G‘. avtomashinani Parkent tumanida haydab ketayotganida ushlangan. Jinoiy sheriklari, muqaddam sudlangan B.U., A.Z. va M.O. Yuqori Chirchiq tumani Yangibozor qo‘rg‘oni hududida qo‘lga olingan.